Өнгөрсөн ням гарагт усархаг бороо орж, хүчтэй шуурсны улмаас Булган-Хархорин чиглэлийн 110 кВ-ын цахилгаан дамжуулах агаарын шугамын 24 тулгуур унаж, гэмтсэн. Улмаар Архангай, Өвөрхангай, Баянхонгор, Булган, Төв, Дундговь, Өмнөговь аймгуудын 82 сум цахилгаан эрчим хүчгүй болсон юм. Үүнтэй холбоотойгоор Эрчим хүчний яамнаас "Унасан тулгууруудыг сэргээн засварлах ажлыг өнөөдөр дуусгаж, цахилгаан эрчим хүчинд холбохоор ажиллаж байна" гэсэн мэдээллийг өглөө. Тухайн гэмтлийг сэргээн засварлахаар 24 цагаар "ЦДҮС" ТӨХК-ийн 150 хүн, 40 орчим техник хэрэгсэлтэйгээр ажиллаж байгаа аж. Өчигдрийн байдлаар 19 тулгуурыг босгож, сэргээн завсарласан байна.
