Монголын Үндэсний бөхийн холбоо өчигдөр хуралдаж нэр бүхий гурван бөхийн барилдах эрхийг 4-8 жилээр хаслаа.
Тодруулбал, Улсын арслан Э.Оюунболдын барилдах эрхийг найман жилээр хассан бол Улсын харцага Ц.Мөнхбаяр, аймгийн арслан Б.Өсөхбаяр нарын эрхийг тус тус дөрвөн жилээр хасах шийдвэрийг гаргасан.
Учир нь тухайн бөхчүүдийн явцын шинжилгээнээс допингийн төрлийн бодис илэрсэн нь батлагдсан юм. Харин цагаан сарын барилдааны үеэр улсын арслан Э.Оюунболдоос авсан шинжилгээнээс дахин допингийн төрлийн бодис илэрсэн билээ.
