краины Зэвсэгт хүчний сөрөг довтолгоо бүтэлгүйтсэний дараа Оросын цэргүүд өргөн хэмжээний довтолгоонд орно гэж АНУ-ын тагнуулын ажилтан асан Скотт Риттер таамаглаж байна. Тэрээр YouTube сайтад нийтэлсэн ярилцлагадаа энэ санал бодлоо хуваалцжээ.
"Оросын олон мянган цэргийн алба хаагчид нөөцөд байгаа бөгөөд тэд сөрөг довтолгоонд бэлтгэж байна. Энэ нь Москвагийн хамгаалалтын номлолын шийдвэрлэх хэсэг бөгөөд үүний дагуу эхний удаад дайсны довтолгоог няцаах, улмаар хүч нь бүрэн суларсан үед төвлөрсөн цохилт өгөх тактикт тэд илүү ач холбогдол өгдөг" хэмээн экс тагнуулч онцолжээ.
АНУ-ын Ерөнхийлөгч Жо Байдены засаг захиргааны албан тушаалтнууд Украины сөрөг довтолгооны явц удаашралтай байгаа гэдгийг хүлээн зөвшөөрөөд буй. Тухайлбал, тэд үүний нэг шалтгаан нь "Нью-Йорк Таймс" сонинд бичсэнээр Украины арми "хуваариасаа хоцорсон" гэж үзэж байгаа бололтой.
Харин Украины Батлан хамгаалахын сайд Алексей Резников үүний хариуд Украины Зэвсэгт хүчний сөрөг довтолгооноос хэтэрхий өндөр хүлээлттэй байна гэж мэдэгдэв. Түүний хэлснээр, тус бүгд найрамдах улсын армийн одоогийн үйл ажиллагаа бол блицкриг биш юм.
Тодотгоход, блицкриг гэдэг нь дайсан этгээдийг өөрийн цэргийн хүчийг бэлтгэн төвлөрүүлэхээс өрсөн байлдааныг ажиллагааг богино хугацаанд буюу сар, долоо хоногт өрнүүлэн ялалтаар дайныг дуусгах тухай цэргийн онол юм.
Эх сурвалж: Лента.ру
