ШӨХТГ-ын даргаар ажилласан байсан С.Мөнхчулуун "Эрдэнэс Монгол" нэгдлийн ТУЗ-ийн дэргэдэх Дотоод аудитын албаны Ерөнхий аудитороор томилогджээ. Тус албан тушаалд сарын өмнө сонгон шалгаруулалт зарласан бөгөөд ийнхүү ШӨХТГ-ын дарга С.Мөнхчулуун долоо хоногийн өмнө уг албан тушаалд томилогдсон аж.
Дотоод аудитын албаны Ерөнхий Аудитор нь дотоод аудитыг олон улсын стандарт, Монгол Улсад мөрдөгдөж буй холбогдох хууль тогтоомж, дүрэм, стандартын дагуу явуулах, Дотоод аудитын албаны өдөр тутмын үйл ажиллагааг удирдах чиг үүрэгтэй юм.
