ОХУ-ын Төрийн Дум цэргийн хувийн хэвшлийн компаниуд хоригдлуудыг элсүүлэх боломжийг хаасан шийдювэр гаргажээ. Энэ тухай парламентын доод танхимын Хууль тогтоомж, төрийн байгуулалтын хорооны дарга Павел Крашенинниковын мэдэгджээ. Ийм шийдвэр гаргах болсон нь мэдээж, энэ сарын 23,24-нд болсон Вагнерийн бослоготой холбоотой юм.
Харин үүнээс хойш ял эдэлж буй хоригдлууд тусгай ажиллагаанд оролцох бол зөвхөн ОХУ-ын Батлан хамгаалах яамтай гэрээ байгуулах боломжтой гэж тэрээр тайлбарлав.
Хувийн цэргийн компаниуд ял эдэлж буй хүмүүсийг элсүүлж, тэдэнтэй гэрээ байгуулдаг түүх байсан ч тэр үе ингээд дуусгавар болж байна. Одоо хуулиар зөвхөн Батлан хамгаалах яамтай гэрээ байгуулдаг бүрэн журам батлагдлаа” гэж байнгын хорооны дарга хэлэв.
Крашенинников хоригдлууд өмнө нь хувийн цэргийн компанид хэрхэн элсэж байсан талаар тодорхой дурдаагүй байна.
Эх сурвалж: Лента.ру
