Хөгжлийн банк”-ны гэх нэр бүхий 80 шүүгдэгч, 4 хуулийн этгээдэд холбогдох эрүүгийн хэргийн гэм буруугийн шүүх хуралдаан 47 өдрийн турш үргэлжилж, өнөөдөр шүүх гэм буруугийн дүгнэлтээ гаргаж байна.
Тус шүүх хуралд Х.Баттулгыг Монгол Улсын Ерөнхийлөгчөөр ажиллаж байх хугацаанд түүний Тамгын газрын дэд даргаар ажиллаж байсан Г.Байгалмааг “хуулийн этгээдийн эрх мэдлийг урвуулан ашиглах”, “мөнгө угаах”, “хуурамч бичиг баримт үйлдэх, ашиглах” гэмт хэрэгт тус тус холбогдуулан гэм буруутайд тооцов.
Г.Байгалмаа нь Хөгжлийн банкнаас зээл аваад чанаргүй зээлдэгч болсон “Прамид орд” ХХК нь Монголын ардчилсан холбоо /МоАХ/-ны эзэмшлийн Хан-Уул дүүрэгт байрлалтай газар орон сууцны хороолол бариад, зээлээ төлөөгүй гэх асуудалд холбогдоод байгаа юм.
