Монголын газрын тосны үйлдвэрийн ажилчдын хотхоны бүтээн байгуулалтын ажлыг гацааж байгаа удирдлагуудад хариуцлага тооцуулах талаар уг хотхоныг барьж байгаа үндэсний компаниудын төлөөллөөс мэдээлэл хийлээ.
Мэдээлэлд "Ерөнхийлөгч У.Хүрэлсүх, Ерөнхий сайд Л.Оюун-Эрдэнэ, Шадар сайд С.Амарсайхан, ЗГХЭГ-ын дарга Д.Амарбаясгалан нарт шаардлага хүргүүллээ. Дорноговь аймгийн Сайншанд хотод "Монголын газрын тос боловсруулах үйлдвэр"-ийн ажилчдын орон сууцны хотхоны хоёрдугаар ээлжийн 287 айлын орон сууцны барилга угсралтын ажил гацсан.
Энэхүү төсөл гацсан асуудал нь "Монголын газрын тос боловсруулах үйлдвэр" ТӨХХК-ийн захирлаас болоод ААН-үүд санхүүжилтээ авч чадахгүй байна.
Шаардлагын нэгдүгээрт, Улсын төлөвлөсөн ажлыг хувийн эрх ашгийн дараа тавьж, бүх талаар уг ажлыг гацааж удаашруулж, төрийн байгууллагыг худал мэдээллээр хангаж байгаа "Монголын газрын тос боловсруулах үйлдвэр" ТӨХХК-ийн захирал Д.Алтанцэцэгийг Засгийн газрын ШҮҮР ажиллагаагаар шалгаж, хариуцлага тооцох.
Хоёрдугаарт, II ээлжийн 287 айлын орон сууцны барилга угсралтын ажлын гэрээнд мэргэжлийн байгууллагуудын гаргасан дүгнэлтэд заасны үнийн дүнгийн тохируулга буюу зураг төсөл болон тоо хэмжээний зөрүүтэй асуудлыг залруулан барилга угсралтын ажлыг яаралтай эхлүүлж, хэвийн үргэлжлүүлж ашиглалтад оруулах шийдвэр гаргах." гэв.
