Вагнерын зэвсэгт бослого зогссоноос нэг хоногийн дараа буюу ням гарагт ОХУ-ын гадаад хэргийн дэд сайд Андрей Руденко Хятадад айлчлахаар хүрэлцэн очлоо.
Хятадын гадаад хэргийн яамны цахим хуудаст А.Руденког Хятадын гадаад хэргийн сайд Чинь Гантай олон улсын болон бүс нутгийн санаа зовоосон асуудлуудыг хэлэлцсэн хэмээжээ.
Түүнчлэн Бээжинд болсон уулзалтын үеэр Хятадын эрх баригчид улс орныхоо дотоод нөхцөл байдлыг тогтворжуулах В.Путины үйл ажиллагааг дэмжсэн гэдгийг ОХУ-ын гадаад хэргийн яамны мэдэгдэлд тусгасан байна.
Энэ айлчлалын талаар "Financial Times" мэдээллийн агентлагт мэдээлэхдээ "Хятадын талаас "Вагнер"-ын асуудал Оросын дотоод хэрэг юм. Найрсаг хөршийн хувьд шинэ эрины хамтын ажиллагааы иж бүрэн стратегийн түншийн хувьд Хятад Оросын хөгжил цэцэглэлтийг дэмжсээр байгаа. Хятадын хамгийн том асуудал нь Европыг түлхэхгүйгээр Оростой харилцаагаа хадгалах явдал юм" хэмээжээ.
Гадаадын хэвлэлүүдэд дурдсанаар уг айлчлалыг бослого гарахын өмнө төлөвлөсөн байсан эсэх нь тодорхойгүй гэсэн байна.
