"Вагнер"-ийн үүсгэн байгуулагч Евгений Пригожингийн зэвсэгт бослого гаргасан эрүүгийн хэргийг хэрэгсэхгүй болгоно. Энэ тухай ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков мэдэгдэв.
Түүний хэлснээр Пригожин өөрөө Беларусь руу явжээ. Түүнийг явах баталгаа нь ОХУ-ын Ерөнхийлөгч В.Путины хэлсэн үг юм. Үүний зэрэгцээ Кремлийн хэвлэлийн төлөөлөгч бизнесменийг одоогоор хаана байгааг мэдэхгүй гэжээ.
Лукашенко Путинтэй тохиролцсоны дагуу Пригожинтэй хэлэлцээр хийжээ
Беларусийн Ерөнхийлөгч Александр Лукашенкогийн хэвлэлийн албаны мэдээлснээр Беларусийн удирдагч ОХУ-ын Ерөнхийлөгч Владимир Путинтэй тохиролцсоны дагуу Пригожинтэй биечлэн хэлэлцээр хийсэн гэжээ. Лукашенко хэлэлцээрт зуучлагчаар оролцсон гэдгийг Путины хэвлэлийн нарийн бичгийн дарга Дмитрий Песков мөн мэдэгдэв.
Песков хэлэхдээ, Беларусийн удирдагч "Вагнер" хувийн армийг үүсгэн байгуулагч Евгений Пригожинтэй 20 орчим жилийн турш танил нөхөд тул хэлэлцээний төлөөлөгчөөр ажиллахыг санал болгосон гэж тайлбарлав.
Цус урсахаас зайлсхийх, дотоод сөргөлдөөн, урьдчилан таамаглах аргагүй үр дүн бүхий мөргөлдөөнөөс зайлсхийх нь илүү өндөр зорилго байсан гэж Дмитрий Песков мэдэгдэв.
Тэрээр мөн "Беларусийн Ерөнхийлөгч Александр Лукашенкогийн зуучлалын хүчин чармайлт биелсэн" гэж тэр дүгнэв.
Эх сурвалж: Лента.ру
