УИХ нийгмийн даатгалын багц хуулийн төслийг хэлэлцэж буй. Уг хуулийн төсөлд 10-аас доошгүй жил хамт амьдарсан эхнэр нөхрийн аль нэг нь нас барсан тохиолдолд хамтын тэтгэвэр олгох зохицуулалт багтсан юм. Байнгын хорооны хуралдааны үеэр УИХ-ын гишүүн С.Чинзориг хамтын тэтгэврийн хугацааны шалгуурыг 10 жил байхаар төсөлд тусгасныг 20 жил болгох санал гаргасан нь дэмжлэг аваагүй юм. Тэрээр "Нэг гэр бүлийн хоёр хүний нэг нь өөд болоход нөгөө хүний тэтгэврийг 20 хувиар нэмэх зохицуулалтад 10-аас доошгүй жил хамт амьдарсан байх гэсэн шалгуур үзүүлэлт зааж өгч буй нь бага гэж үзэж байна. 20-оос доошгүй жил болгох нь монгол гэр бүлийн тогтвортой хамтын амьдралыг дэмжихэд чухал" гэсэн юм.
С.Чинзориг гишүүний саналыг чуулганы нэгдсэн хуралдаанд оролцсон гишүүдийн олонх нь дэмжлээ. Ингэснээр хамтын тэтгэврийг олгохдоо 20 жил хамтдаа амьдарсан байх шаардлага тавьж, тэтгэврийнх нь 20 хувийг олгож байхаар боллоо.
