Гандантэгчэнлин хийдэд болсон хүүхдийн хүчирхийллийн талаар "Далд хүн" ТББ-аас мэдээлэл өглөө.
Энэ талаар "Далд хүн" ТББ-ын тэргүүн Б.Ууганбаяр "Хүүхдийн хүчирхийлэл жил ирэх тусам нэмэгдэж байна. Хамгийн гол хүүхдийн эрх яригдаж байна. Лам, дарга нарын нэр хүнд уналаа гэдэг асуудал биш юм. Гэтэл хүүхдийн эрхийг хамгаалахгүй байсаар ийм байдалд хүрлээ. Хүүхдийн эрхийг хамгаалахгүй байна. Хүүхдийн эрх ярихаар эрх ямба л ярьж байна. Намайг энэ асуудлын араас явахаар дарамталж байна. Шашны байгууллага хараагаад байгаа нь ч мэдэхгүй, ерөөгөөд байгаа нь ч мэдэхгүй ном уншиж байна. Дарамт ирсэн ч хүүхдийн эрхийн төлөө тууштай явна. Хохирсон 13 настай хүүгийн ээж манай байгууллагад хүсэлт гаргасан. Хүсэлтийн дагуу бид бүхэн хамтарч ажиллаж, тухайн хүүхдийг хамгаалах болсон. Цаашид олон хүүхэд хохирсон байж болзошгүй мэдээлэл байна " гэсэн юм.
