ОХУ-ын БХЯ сайн дурынхныг тусгай ажиллагааны бүс рүү яаравчлан илгээх шаардлагагүй гэж үзэж байна. Одоогоор 114 мянган хүн БХЯ-тай гэрээ байгуулсан гэж сайд Сергей Шойгу Аюулгүйн зөвлөлийн хуралдааны үеэр мэдэгдэв. Өдөрт дунджаар 1336 хүн гэрээ байгуулдаг. Үндсэндээ өдөр бүр нэг хороо цэргийг хүлээж авч байна гэсэн үг" хэмээн тодотгожээ.
Шойгу Аюулгүйн зөвлөлийн хуралдааны үеэр "Өнөөдөр өглөөний байдлаар 114 мянган хүн шууд гэрээ байгуулж элсээд байна. Үүн дээр 52 мянган сайн дурынхан нэмэгдэнэ" гэж хэлсэн байна.
Нөөц армийг бүрдүүлэх ажил зургадугаар сарын сүүлчээр дуусна гэж сайд хэллээ. Мөн армийн корпус байгуулна. Тэд 3700 гаруй нэгж тэрэг техник хүлээн авна. Бид армийн корпусийн бүрэлдэхүүнд нөөцийг бүрдүүлж байна. Үүн дээр танкийн 20-р армийн таван хороо бас нэмэгдэнэ. Бүх зүйл төлөвлөгөөний дагуу явж байна. 6-р сарын эцэс гэхэд нөөц армийг бүрдүүлэн, корпусыг байгуулж дуусгах болно” гэж сайд ерөнхийлөгчид тайлагнасан байна.
Одоо сайн дурынхныг фронт руу албадан явуулах шаардлагагүй гэж сайд онцоллоо. "Нэгдүгээрт, тэдний өндөр урам зоригийг онцлон дурдахыг хүсч байна, сайн дурынхны хувьд тэд тулалдах хүсэлтэй байгаа ч үүнийг яаравчлах шаардлагагүй. Хоёрдугаарт, тэд тусгай бэлтгэлд хамрагдах ёстой. Тэднийг нийт найман полигонд 645 багш сургаж байна” гэж сайд хэллээ.
Эх сурвалж: CentralAsia
