Олон улсын харилцаа, улс төрийн амьд домог гэгддэг АНУ-ын Төрийн нарийн бичгийн дарга асан Хенри Киссинжер хэрвээ АНУ, БНХАУ-ын хооронд үүссэн нөхцөл байдал энэ хэвээр үргэлжлэх аваас Тайваньд дайн дэгдэх магадлал өндөр байна хэмээн анхааруулжээ.
Bloomberg агентлагийн зүгээс Хятадын тал Тайваньд түрэмгийлэх магадлал хэр байгаа талаар түүнээс асуухад “Одоогийн нөхцөл байдлыг харгалзан үзвэл цэргийн мөргөлдөөн гарах магадлал өндөр гэж харагдаж байна” хэмээн цохон тэмдэглэсэн байна.
Тэрээр үргэлжлүүлэн “АНУ, БНХАУ-ын хооронд өрнөж буй сөргөлдөөн яван явсаар эцсийн ирмэгтээ тулж ирээд байна. Ухрах эсэх нь хоёр талын шийдэх хэрэг болоод байна” хэмээн дурдав.
Түүнчлэн төрийн нарийн бичгийн дарга асан Киссинжер “Хоёр их гүрний дайнд ялагч байхгүй гэдэг нь хэнд ч ойлгомжтой зүйл юм. Ялалт байгууллаа гэж бодоход асар их хэмжээний өр төлбөрт унах нь гарцаагүй” хэмээн анхааруулжээ.
Тэрээр 1970-аад онд буюу ерөнхийлөгч Ричард Никсон болон түүний залгамжлагч Жералд Фордын засаглалын үед үндэсний аюулгүй байдлын зөвлөх, төрийн нарийн бичгийн даргаар ажиллаж байсан ба хүйтэн дайны үед Америкийн дипломат харилцааг удирдан чиглүүлж байсан билээ.
Эх сурвалж: MBC
