ЗГХЭГ-ын дарга Д.Амарбаясгалан Засгийн газрын ээлжит хуралдаан шийдвэрийн талаар танилцуулахдаа Ерөнхий сайд Л.Оюун-Эрдэнэ урд хөршид айлчлал хийх гэж байгаа талаар дурдлаа.
Тэрбээр "МУ-ын Ерөнхий сайдын БНХАУ-д хийх албан ёсны айлчлалын товыг хоёр улсын Засгийн газар тогтсон байгаа. Тодорхой хэмжээний нууцлалын зэрэгтэй байдаг учраас хугацааг шууд хэлэх боломжгүй. БНХАУ-ын зүгээс Ерөнхий сайдын албан ёсны албан ёсны айчлалтай холбоотойгоор татгалзсан зүйл огт байхгүй. Гагцхүү Ерөнхий сайдын айлчлал улстөр болон эдийн засгийн өндөр ач холбогдолтой байх тал дээрээ хоёр тал маш нарийн ярилцаж байна. Нэг ёсондоо зүгээр айлчлаад ирнэ гэхээсээ илүү улс хоорондын экспорт, импортын асуудлыг нэг мөр шийдсэн. Төмөр замын холболтын цэгүүдийг эцэслэн тогтсон. Монгол улсаас гарч байгаа экспортын бараа бүтээгдэхгүүн тэр дундаа уул уурахайн бүтээгдэхүүний биет хэмжээг албан ёсоор тохирсон томоохон үр дүнтэй, ач холбогдолтой айчлал болох талаас хоёр тал хариуцлагтайгаар ажиллаж байгаа" гэлээ.
