Шархадсан цэргүүд цэргийн албаа үргэлжлүүлж, Зэвсэгт хүчний ирээдүйн команд штабыг бүрдүүлэх ёстой гэж ОХУ-ын Ерөнхийлөгч Путин А.Вишневскийн нэрэмжит Цэргийн клиникийн төв госпиталд цэргүүдтэй уулзахдаа мэдэгдэв.
“Та нар шиг хүмүүс эх орон, Зэвсэгт хүчинд ямар их хэрэгтэй вэ гэдэг нь огтхон ч эргэлзээгүй. Ирээдүйн Зэвсэгт хүчний командлагчдад дайсагнал дайн гэж юу байдгийг мэдэрсэн, няцахгүй, харин ч үүргээ тултал нь биелүүлсэн та бүхэн шиг хүмүүсээс авах хэрэгтэй. Зэвсэгт хүчинд тулалдаанд хатуужиж, цэрэг дайны туршлагатай хүмүүс хэрэгтэй” гэж Путин хэлсэн байна.
Үүний өмнө Ерөнхийөгч 2022 оны 5-р сард Москвагийн П.В. Мандрикагийн нэрэмжит цэргийн эмнэлэгт хэвтэж буй шархадсан хүмүүстэй уулзсан юм. Үүний дараа түүний хэвлэлийн нарийн бичгийн дарга Дмитрий Песков "Путин тусгай ажиллагааны үеэр шархадсан хүмүүсийн нөхцөл байдлыг байнга анхаарч хяналтандаа байлгадаг" гэж мэдэгдэж байв.
Оросын арми бие бүрэлдэхүүнтэй холбоотой асуудалтай тулгараад байгаа гэж Украины Зэвсэгт хүчний Зүүн бүсийн хүчний төлөөлөгч Сергей Череватый мэдэгдэв.
"Тэд дайчлагдсан болон байнгын армийн нөөц тэрчлэн холбооны нутаг дэвсгэрийн цэргүүдийг довтолгоондоо ашиглаж байна. Түүнчлэн сайн дурын батальонууд бас бий. Одоо жишээ нь хууль зөрчсан асуудалтай холбоо бүхий хүмүүсээс бүрдсэн "Шторм-Z" рлтыг бүрдүүлж байна гэж Украины Зэвсэгт хүчний Зүүн бүсийн хүчний төлөөлөгч Сергей Череватый мэдэгдэв.
6-р сарын эхээр Оросын арми Украинд 25,218 цэргийн албан хаагчийн хохирол амссан гэж ВВС Оросын алба болон "Mediazona" агентлаг нээлттэй эх сурвалжид үндэслэн тооцоолжээ. Дайны явцаас харахад цэргийн бэлтгэл багатай хүмүүсээс бүрдсэн ангиуд хамгийн их хохирол амсдаг. Тухайлбал, "Вагнер" группэд тулалдаж байсан сайн дурын хоригдлууд гэхчлэн.
Тодотгоход, мэргэжлийн цэргийн дунд хамгийн эмзэг ангилалд мотобуудлагын болон агаарын десантынхан, тэнгисийн цэрэг, танкчид багтдаг.
Үүний зэрэгцээ, он гарснаас хойш ОХУ-ын зэвсэгт хүчний офицерууд амиа алдах нь нэмэгдэж байна. Тодруулбал, 2147 офицер амь үрэгдснээс тэдний 577 нь хошууч ба түүнээс дээш цолтой байв.
Украинд нас барсан Оросын цэргийн талаас илүү хувь нь эмнэлгийн чанаргүй үйлчилгээнээс болж нас барсан гэж Калашников концерны тактикийн анагаах ухааны сургалтын төвийн дарга Артем Катулин мэдэгдэв. Нас барсан хүмүүсийн 50 гаруй хувь нь амь насанд аюултай гэмтэл аваагүй байсан гэж тэр хэлэв.
Эх сурвалж: Мoscowtimes.ru
