Даваа гарагт ТАСС мэдээллийн агентлагаас мэдээлснээр Хойд Солонгосын удирдагч Ким Жон Ун өөрийн Телеграм хуудсаар дамжуулан ОХУ-ын ерөнхийлөгч Владимир Путинд зурвас илгээжээ. Зурваст тэрээр БНАСАУ тусгаар тогтнол, ирээдүйгээ хамгаалж буй Оросын ард түмний талд буй хэмээж, тэднийг дэмжиж буйгаа илэрхийлэн ОХУ-д хөгжил цэцэглэлт, ялалтыг хүссэн байна.
KCNA агентлагаас мэдээлснээр Ким Жон Ун, “Өнөө цагт дайсагнагч хүчнийхний ОХУ-ын тусгаар тогтнол, аюулгүй байдал, амар тайван амьдралыг сүйтгэх гэсэн аюул занал улам нэмэгдэж, Оросын ард түмний зовлон зүдүүр шинэ шатанд очоод байна. Хойд Солонгосын ард түмний хувьд ОХУ-ын ард иргэдийн тусгаар тогтнол, эрх ашгаа хамгаалж буй явдлыг бүрэн дэмжиж байгаа бөгөөд тэдний талд байгаа.
Шударга ёс үргэлж ялна. Оросын ард түмэн ялалтын түүхээ үргэлжлүүлэн дуурьсгах болно” гэжээ.
Эх сурвалж: ТАСС
