ЦЕГ-ын Хэвлэл мэдээллийн төвийн даргаар Хурандаа Б.Батзоригийг томилжээ.
Харин уг албан тушаалыг хариуцан ажиллаж байсан Хошууч Г.Мөнхбаярыг ЦЕГ-ын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн даргаар томилогдсон байна.
Цагдаагийн хурандаа Б.Батзориг нь Дархан-Уул аймгийн цагдаагийн газар, Налайх, Баянзүрх, Чингэлтэй дүүргийн цагдаагийн газар, Мөрдөн байцаах газар, Гэмт хэрэгтэй тэмцэх албанд ахлах мөрдөгчөөс эхлэн Мөрдөн байцаах тасгийн дарга хүртэл дэвшиж ажиллаж байжээ.
Мөн ЦЕГ-ын Урьдчилан сэргийлэх хэлтсийн чиглэлийн ахлагчаар ажиллаж байгаад 2018 оноос Нийслэлийн цагдаагийн удирдах газрын Гэр бүл, хүчирхийлэл, хүүхдийн эсрэг гэмт хэрэгтэй тэмцэх хэлтсийн даргаар тус тус ажилласан юм.
