Монгол Улсын Ерөнхийлөгч У.Хүрэлсүх Хүүхдийн баярыг угтан Олон хүүхэд төрүүлж өсгөсөн эхийг урамшуулах тухай хууль болон Монгол Улсын Үндсэн хуульд заасан бүрэн эрхийнхээ хүрээнд өнөөдрөөс эхлэн алдарт эхчүүдэд одон гардуулж байна.
Энэ үеэр "Маск" продакшны жүжигчин Г.Чулуунцэцэг өнөөдөр алдарт эхийн хоёрдугаар одон авлаа. Тэрбээр "Энэ сайхан шагналаар энгэрээ мялаалаа. Дөрвөн сайхан хүүхэд төрүүлж өсгөж байна. 1-13 насны дөрвөн хүүхэдтэй. Энэ шагналыг авахад хүчин зүтгэсэн нөхөртөө бас баярлалаа. Монголынхоо хүүхэд багачуудад удахгүй болох хүүхдийн баярын мэнд хүргэе" хэмээн сэтгэгдлээ хуваалцлаа.
Дашрамд хэлэхэд, холбогдох хуульд зургаан хүүхэд төрүүлж өсгөсөн эхийг I зэргийн одонгоор, дөрвөн хүүхэд төрүүлж өсгөсөн эхийг II зэргийн одонгоор шагнана гэж заасан.
