Сүхбаатар аймгийн Эрдэнэцагаан сумын иргэдийн төлөөлөл уурхайн машинуудын тээвэрлэлт хийдэг замыг хаасан байна.
Сүхбаатар аймгийн Засаг дарга М.Идэрбат тус суманд ажиллах үеэрээ иргэд болон тээвэрлэлт хийж буй машины жолооч нартай уулзалт хийлээ.
Иргэдийн хувьд Эрдэнэцагаан сум бол Сүхбаатар аймгийн хамгийн том сум. 8000 гаруй иргэд амьдардаг. Сумын баруун талаар өдөрт дунджаар 50-60 машин тээвэрлэлт хийж байгаа нь иргэдийн эрүүл мэндэд сөргөөр нөлөөлж байгааг хэлж байна.
Тээвэр хийж буй компанийг зориулалтын авто замаа тавихыг шаардаж байна. Тоосжилт үүсгэхгүйн тулд 15 машин тутамд замаа усалж тоос босгохоос сэргийлэх арга хэмжээ авахыг шаардаж байгаа аж.
Тус аймгийн Засаг даргын хувьд саналыг сонсож тээвэрлэлтийн компанийн удирдлагад иргэдийг саналыг уламжилж шийдвэрлэж ажиллахаа илэрхийлэв. Цаашид тээвэр хийх компанийн жолооч нарыг Сүхбаатар аймгийн дугаартай болох шаардлагыг тавина гэдгийг онцолсон юм.
Эх сурвалж: Сүхбаатар аймгийн Засаг даргын Тамгын газар
