ШШГЕГ-ын хорих 425 дугаар ангид хүмүүжигч этгээд эргэлтээр очсон эхнэрээ хөнөөж, өөрийн амийг хорлосон онц ноцтой хэрэг гарсан байна. Энэ сарын 22-23-нд шилжих шөнө Говьсүмбэр аймаг дахь хорих 425 дугаар ангийн эргэлтийн байранд 24 цагийн эргэлтэд гарсан ял эдэлж байсан хоригдол эхнэрээ хөнөөж, өөрийгөө боомилсон байдалтай олдсон гэдгийг албаны эх сурвалжууд баталж байгаа аж. Хэргийг цагдаагийн байгууллагаас шалгаж байгаа гэв.
