Боловсролын зээлийн сангаас олгосон зээлийн мэдээлэл олон нийтэд ил болсноор төрийн өндөр албан тушаалтан, эрх мэдэлтнүүдийн хүүхдүүд зээлд хамрагддаг, зээлээс чөлөөлөгддөг гэх ойлголт иргэдийн дунд үүсээд байгаа.
Энэ талаар БШУ-ны сайд Л.Энх-Амгалан мэдээлэл хийх үеэр "Хуулийн дагуу гадаадын шилдэг их, дээд сургуульд зээлээр сурсан суралцагч эх орондоо эргэж ирээд тухайн суралцсан мэргэжлээрээ таван жил нийгмийн даатгал төлөөд ажилласан бол чөлөөлөх хүсэлт өгөх нөхцөл бүрдэнэ гэж заасан байхад дотоодын их дээд сургуульд суралцсан суралцагч нь улсад ажиллаад 5 жил нийгмийн даатгал төлсөн ч заавал сургалтын төлбөрийн зээлээ төлдөг. Ийм шударга бус зүйл байж болохгүй учир үүнийг хууль өргөн барьж ижил тэгш болгоно" гэлээ.
