Нийслэлийн хэмжээнд 130 хяналтын камерийг автобусны буудлуудад байршуулсан талаар ТЦА-наас мэдээллээ. Ингэснээр иргэдийн аюулгүй байдлыг хянах мөн чиглэлийн тээврийн автобусны жолооч нарыг эгнээ байраа зөв эзэлж иргэдийн аюулгүй байдлыг хангаж зорчиж байгаа эсэхэд хяналт тавьж байгаа аж.
Мөн автобусны буудалд автомашинтайгаа зогссон иргэдийг камерын хяналтаар хянаж торгуулийн арга хэмжээ авч гэрийн хаягийн дагуу торгуулийн хуудас илгээж байгааг онцоллоо.
Монгол улсын Замын хөдөлгөөний дүрмийн 14,8-д заасны дагуу өглөөний 06:00 цагаас оройны 22:00 цагийн хооронд түр буюу удаан хугацаагаар автобусны буудал дээр зогсохыг хориглох заалт бий.
Тиймээс иргэд та бүхэн замын хөдөлгөөнд дүрмийн дагуу оролцохыг цагдаагийн байгууллагаас зөвлөж байна.
