Их Британийн парламентын гишүүд криптовалютад хөрөнгө оруулахыг мөрийтэй тоглоомтой адилтган авч үзэхийг засгийн газартаа уриалжээ.
Тэдний мэдэгдсэнээр криптовалютын үнэ цэн нь туйлын тогтворгүй бөгөөд хөрөнгө оруулагчид өөрсдийн хөрөнгө оруулалтыг бүхэлд нь алдах эрсдэлтэй байдаг тул энэ шинжээрээ мөрийтэй тоглоомтой ижилсэнэ гэсэн юм.
Үйл явдлын хүрээнд тус улсын Сангийн яамнаас BBC сувагт хандан хэлснээр тэдний зүгээс мөрийтэй тоглоомын зохицуулалтыг ч дэмжихгүй гэжээ.
Парламентын гишүүдийн боловсруулсан судалгаанаас үзвэл биткоинд хөрөнгө оруулагчдын 40 хувийг 35-аас доош насны эрчүүд бүрдүүлдэг бөгөөд энэ насны хүмүүс нь хүн амын хүрээнд хамгийн их эрсдэл эрэлхийлдэг бүлэг юм. Улмаар мөрийтэй тоглоомоос гарсан ч криптовалютын зах зээлд хөрөнгө оруулах болсон тохиолдол ч бишгүй байжээ. Үүнээс үүдэн холбогдох албаныхан өөр нэгэн судалгаа явуулахад Их Британид 10 хүн тутмын нэг нь криптовалютад хөрөнгө оруулж үзсэн байдаг бөгөөд тэдний ихэнх нь криптовалютад хөрөнгө оруулахыг хөгжилтэй зүйл гэж бодсон гэнэ.
Эх сурвалж: BBC
