Катар улсын Доха хотод болсон ДАШТ-нээс манай баг тамирчид хоёр хүрэл медальтай ирсэн билээ. Тодруулбал, ОУХМ Ё.Басхүү дэлхийн аваргаас хоёр дахь хүрэл медалиа хүртэж, хос медальтан буюу хошой медальтай болж амжилтаа ахиулсан билээ.
Амжилт гаргасан тамирчид өчигдөр эх орондоо ирсэн байгаа юм. Тэднийг ар гэрийнхэн нь болон ХХЕГ-ын Хилчин спорт хорооны хамт олон хүлээн авч хүндэтгэл үзүүлсэн билээ.Ингээд хүрэл медальтан Ё.Басхүүгийн сэтгэгдлийг сонсоход "Хос медальтан болсонд маш их баяртай байна. Сэтгэгдэл гоё байна. Өнгөрсөн жил медаль аваад чадаагүй ирсэн. Энэ жил чадлаа. Өнгөрсөн жилийн алдаан дээрээ сайн ажиллалаа.
Сүүлийн барилдаанд Гүржийн бөхтэй барилдсан. Өмнө нь таарч барилдаж байсан учраас хэцүү байгаагүй. Гэхдээ хамаг хүчээ техникээ зориулж барилдсан. Цаашид Олимпийн аварга болох зорилготой. Бэлтгэлийг минь хангаж өгдөг ард минь баттай зогсож байдаг гэр бүл, дэмждэг Хилчин спортын хорооны хамт олондоо талархлаа" гэлээ.
