Дуурь бүжгийн эрдмийн театрын уран бүтээлчид цалингаа нэмэгдүүлэхээр өнөөдөр Соёлын яамны гадаа жагсаал хийж, шаардлага хүргүүлсэн байгаа билээ.
Энэ үеэр МУГЖ Ө.Уянга"Соёл урлагийнхан цалингаа нэмүүлэхээр жагсаж байна. Бидний цалин хүрэлцэхгүй байна. Шүлс шиг цалин авч ажиллахаас залхаж байна. Өчигдөр өөрийнхөө нүүр номонд зар тавьсан. Гэтэл цагтаа гарч ирсэнгүй. Дуурийн театрын бүх ангиуд гараад ирсэн байна. Соёлын яам АНУ-ын Элчин сайдын яамны гадаа очиж жагсаж болохгүй гэж шантаажилсан. Урлаг соёлынхон нэгдэх хэрэгтэй. Олон жил шүлс шиг цалингаар яаж амьдрах вэ дээ.
Яамны төрийн нарийн ингэж муухай уран бүтээлч хүнд өш санаж болох уу. Би халагдсандаа биш нийт хамт олныхоо төлөө цалингыхаа талаар үзэл бодлоо илэрхийлж хамт жагссан юм шүү. Ирээдүйгээ бодож урлаг соёлын 7000 хүнийг төлөөлсөн жагсаалд нэгдэж оролцоход ингэж муухай олон нийтийн өмнө сэтгүүлчдийг турхираад зогсож байдаг юм байна. Үндсэн хуульд зааснаар өөрийн үзэл бодлоо илэрхийлэх гээд хамт олонтойгоо нэгдэж жагссан юм шүү Энх-Амгалан даргаа" гэж бичжээ.
