Боловсролын үнэлгээний төв багшийн ажлын гүйцэтгэл, үр дүнд суурилсан үнэлгээний шалгалтыг хоёр дахь удаагаа зохион байгууллаа. Уг үнэлгээнд төрийн болон төрийн бус өмчийн 705 сургуулийн 30077 багш хамрагдаж байгаа талаар Боловсролын үнэлгээний төвөөс мэдээлсэн.
Харин эцэг эхчүүдийн хувьд багшийн ажлын үнэлэх асуулгыг asuulga.eec.mn цахим хуудсаар өгдөг. Гэтэл өчигдөр тус цахим хуудас нь ачааллаа дийлэхгүй эцэг эхчүүдийг нэлээд бухимдуулав. Зарим эцэг эх таван цаг оролдож байж асуулга бөглөсөн гэдгийг хэлж байгаа бол зарим нь огт асуулга бөглөж чадахгүй байгаа талаарх гомдол саналыг хэлж байна.
Эхний жилийн гүйцэтгэлийн үнэлгээний үр дүнгээр нийт багш нарын 43 хувь нь 10-25 хувийн урамшуулалд хамрагдаж байгаа аж. Харин хоёр дахь удаагийн үнэлгээ энэ сарын 15-19-ний өдрүүдэд үргэлжлэх юм байна.
