УИХ дахь МАН-ын бүлгийн хуралдаанаар Үндсэн хуулийн өөрчлөлт болон үнийн өсөлт, хаваржилтын нөхцөл байдлын талаар хэлэлцжээ.
Хуралдаанаар сонгуулийн холимог тогтолцоог Үндсэн хуульд тусгахыг дэмжсэн байна Ингэхдээ гишүүдийг сонгохдоо 50:50 байхаар бус мажоритар тогтолцоог давамгай байна гэж тооцжээ. Мөн ҮХӨ-ийн төсөлд УИХ-ын гишүүний тоог 152 болгохоор тусгасан бол бүлгийн хуралдаанаар энэ тоог багасгахаар шийдсэн байна.
Сонгуулийн холимог тогтолцооны мажоритар, хувь тэнцүүлсэн тогтолцооны харьцаа хэд байх вэ, гишүүдийн тоог 152-оос багасгаж, яг хэд байх вэ гэдгийг парламентад суудалтай намуудын зөвшилцлөөр шийднэ гэв.
Товч мэдээ
- Үнийн өсөлтөөс үүдсэн иргэдийн бухимдал их байгаа тул төсөв тодотгох талаар судалж, санал боловсруулан бүлэгт танилцуулахыг Засгийн газарт үүрэг болгов.
- Газар тариалангийн бэлтгэл ажлыг хангах, зуншлага тааруу байх эрсдэлтэй газруудад үүлэнд зориудаар нөлөөлж бороо оруулахыг Засгийн газарт үүрэг болгов.
- Суманд ажиллаж буй төрийн алба хаагчдын ажиллах нөхцөл боломжийг хангаж, хууль эрх зүйн орчинг тодорхой болгох талаар Засгийн газарт чиглэл өгөв.
- Хүүхдийн мөнгийг ялгаварлахгүйгээр бүх хүүхдэд олгохыг Засгийн газарт үүрэгдэв.
- Эдийн засагт эерэг өөрчлөлт гарч, үнийн өсөлт буурахгүй байгаа тул цалин, тэтгэвэр нэмнэ.
