Боловсролын зээлийн хулгайн асуудлаар О.Батнайрамдал Боловсролын зээлийн сангаас зээл аваад зээлээ төлөөгүй, арын хаалга танил тал, мэдээлэлд ойр байдлаа ашиглан бусдад боломж олгоогүй хүмүүсийн талаарх тоо баримттай мэдээлэл хүргэлээ.
Тэрбээр "Боловсролын сангаас зээл авсан 867 хүүхдийг 363 тэрбум төгрөгийн зээлээс чөлөөлсөн байдаг. Энэ нь Засгийн газрын тогтоолд үндэслэж чөлөөлсөн гэж тэмдэглэлд байдаг. Гэтэл тэр тэмдэглэлтэй танилцахад ямар ч шийдвэр биш, зүгээр "шийдвэрлэх" гэсэн агуулгатай байв.
"Би таван жил НДШ-ээ төлсөн хүн зээлээс чөлөөлөгдөнө" гэж ойлгодог. Гэтэл тэрхүү тогтоол хүчингүй болоод удаж байна. Тэрхүү зээлийг авсан бол заавал төлөх л ёстой. Мэдээлэлд ойр, албан тушаал өндөр, санхүүгийн боломжтой хүмүүсийн хүүхдүүд ихэвчлэн явдаг. Би дураараа ийм зүйл яриад байгаа юм биш, энэ бол нотлох баримттай мэдээлэл
Зээл аваад Харвардад сурахаар тэнцсэн гэх хүнээс "Та ямар сургуульд сурах вэ, эх орондоо ирээд юу хийх вэ, төлбөрөө хэрхэн төлөх вэ" гэсэн энгийн гурван асуултад хариулж чадахгүй хөөгдөөд гарч байсан тохиолдол бий. Мөнгөө хувийн дансандаа шилжүүлж аваад очоод хэлний бэлтгэлд явсан, муу дүнтэй хэр нь мөнгөө авсаар л байсан ч хүн байна. Эдгээр нь нотлох баримттай" гэлээ.
