Нийслэлийн үе үеийн Засаг дарга нар хэнд, хэзээ, хаана, хэрхэн газар олгосон талаарх 2000 оны нэгдүгээр сарын 1-нээс 2020 оны 12-р сарын 31-нийг хүртэлх 20 жилийн мэдээлэл shilen.gov.mn сайтад орж, ил тод боллоо. Энэ талаар ЦХХХ-ны сайд Н.Учрал мэдээлэл хийж байна.
Тэрбээр " Иргэд бүгд ухаалаг хотод, ногоон байгууламж ихтэй, тоглоомын талбайтай орчинд амьдрах хүсэл зорилготой. Энэхүү нээлттэй мэдээллийг улстөрийн өнцгөөр харж болохгүй.
МАН-ын нийслэл, АН-ын нийслэл гэж байхгүй. Түүх бол түүх, баримт бол баримт. Ил тод мэдээлэл
20 жилийн түүхэнд хотын дарга Бат-Үүл гуайн гарын үсэг МАН-ын гишүүн байсан дарга нар бүр их байгаа. Баримт худлаа хэлдэггүй. Баримт юу хэлдэг вэ гэдэг л чухал. Мэдээллийг илүү задалж, судлах нь сэтгүүлч та бүхний эрх.
Үүнд:
- Газар эзэмших, ашиглах эрх олгосон 14,954
- Эрхийн гэрчилгээний талбай, зориулалт өөрчилсөн 6,329
- Эрхийн гэрчилгээ шилжүүлсэн 8,525
- Эрхийн гэрчилгээний хугацаа сунгасан 7,150 гээд нийт 36,958 захирамжийг нээлттэйгээр өнөөдөр байршуулж байна.
Та бүхэн регистрийн дугаараар нь хайвал бүх мэдээллийг нэг дор авч болно. Нийслэлийн аль дарга тухайн үед ямар компани, аж ахуйн нэгжид газар олгосон, түүнийг нь ямар компани, ААН худалдаж аваад, өөр ямар дарга зориулалтыг нь өөрчилсөн бэ гэдэг нь тодорхой байгаа.
МУ-ын ЗГ-аас явуулж байгаа шилэн ажиллагааны хүрээнд нийслэлийн хэмжээнд олгосон газрын мэдээлүүдийг ил болгож 5-р сарын 31-ны өдөр АТГ-т мэдээллийг нь хүргүүлнэ. 6-р сарын 1-ний өдөр ерөнхий сайдад шилэн ажиллагааны үр дүнг танилцуулна. Нийслэлийн хувьд 20 жилийн 36,000 гаруй захирамжийг ил болгож байна" гэдгийг хэллээ.
