Дохагийн ДАШТ-ий эмэгтэйчүүдийн 70 кг-ын жинд өнгөрсөн жилийн Ташкентийн ДАШТ-ий хүрэл медальт Японы Саки Низое анх удаагаа дэлхийн аварга боллоо. 26 настай тэрээр финалын өмнөх барилдаанд хоёр дэлхийн аварга болох Францын Мари Эва Гахи, Хорватын Барбара Матич нарыг ялсан юм. Түүний энэхүү алтан медаль нь Японы жүдочдын Дохагийн дэлхийн аваргаас хүртсэн 4 дэх түрүү болж байна.
70 кг-ын жингийн медальтнууд:
- Саки Низое (Япон)
- Жиованни Скоччимаро (Герман)
- Микаэла Поллерес (Австри)
- Барбара Матич (Хорват)
Ташрамд дурдахад Японы эмэгтэй жүдочдоос хамгийн сүүлд Чизарү Арай 2017, 2018 онд ДАШТ-нд дараалан түрүүлж байжээ.
