ОХУ-ын Санкт-Петербург хотын иргэн, 61 настай Ирина Цыбанева нь Ерөнхийлөгчийн эцэг эхийг “доромжилсон” гэх хэргээр хотынхоо шүүхээс 2 жилийн тэнсэн харгалзах ял авсан байна.
Ирина Цыбанева гэх энэ эмэгтэй В.Путиний өнгөрсөн оны 10 дугаар сард Украинд өдүүлсэн дайныг эсэргүүцэж эцэг эхийнх нь бунхны хөшөөнд дайныг эсэргүүцсэн утга агуулга бүхий бичиг үлдээсний төлөө ийнхүү гэмт хэрэгтний ширээнд суужээ.
Шүүх Ирина Цыбаневаг оршуулгын газарт буй бусдын шарилыг гутаан доромжилсон гэсэн үндэслэлээр шийтгэл ногдуулсан байна. Тэрээр “Хүндэт эцэг эх минь, Таны хүү зохисгүй аашилж байна. Түүхийг уландаа гишгиж, хөршүүдтэйгээ тэмцэлдэж байна. Бүх сургуулийг үнсэн товорго болгох нь. Түүнд арга хэмжээ авч өгөөч? гэх агуулгатай бичиг ОХУ-ын Ерөнхийлөгч В.Путиний эцэг эхийн шарилын чулууны өмнө үлдээсэн байна.
