Соёл урлагийн салбарт ажиллаж байгаа уран бүтээлчдийн цалин амьдралд нь хүрдэггүй.
Аргаа бараад гадаадад очиж ажил хийдэг талаарх мэдээлэл олон нийтэд цацагдсан. Үүнтэй
холбогдуулан соёл урлагийн салбарт ажиллаж байгаа уран бүтээлчид өөрсдийн цахим
хуудастаа авдаг цалин нь амьдралд нь хүрэлцдэггүй талаарх мэдээллийн байршуулсаар
байна.
Харин энэ талаар дуучин Э.Мөнхтөр өөрийн цахим хуудастаа ийн бичжээ.
"Өнөөдөр хагас сарын цалин буулаа…
Миний бие дуурийн нэрт дуучин МУАЖ, Батын Жавзандулам багшийн үүсгэн байгуулсан
"Опера" дээд сургуулийг 2011 онд төгсөөд, тус ондоо УДБЭТ-т дуучнаар ажилд орж өдгөө 13
дахь жилдээ ажиллаж байна. Тус театртаа гоцлол дуучнаар ажилладаг. Соёл урлагт зүтгэдэг,
бүх уран бүтээлчид бид өнөөдөр маш бага цалинтай ба сардаа хоёр хувааж гар дээрээ
авдаг, авсан цалин нь амьдрал ахуй, өр зээл, ипотек, лизингэд огтоосоо хүрэлцэхгүй хүнд
хэцүү нөхцөл байдалд амьдарч байна. Бид үнэхээр сонгосон мэргэжилдээ эзэн болж,
тууштай, үнэнч шудрага, дуртайдаа л өдийг хүртэл ажиллаж, хойд хормойноосоо авч урд
хормойгоо нөхнө гэхчээр л амьдарч байна. Соёл урлагийн бүх уран бүтээлчид бид Монголын
бүхий л баяр ёслол, хоёр улсын хамтын дипломат харилцаа, айлчлал, ёслол хүндэтгэлийн
концерт, цаашлаад Төрийн наадам, Төрийн концертонд хамгийн түрүүнд дайчлагдан
ажиллаж, соёл урлагаараа нүүрээ тахалдаг.Аливаа улс орны хөгжлийг соёл урлагаар нь
тодорхойлдог. Түрүүчээсээ дуучид, бүжигчид, хөгжимчид, жүжигчид гэх мэт уран бүтээлчид,
залуучууд олон улсад, дэлхийд Монголынхоо нэрийг өндөрт өргөөд амжилт гаргаад явж
байна. Ийм байхад соёл урлагийн уран бүтээлчид биднийг ийм улны түвшинд үнэлээд, өгч
байгаа цалингаа л харчих. Үнэхээр ичмээр,гомдмоор, гутармаар, бухимдмаар…
Бид ирээдүй болсон үр хүүхдүүд, залуучууд, гэр бүл, өөрсдийнхөө төлөө, хот хөдөөгүй соёл
урлагийн бүх байгууллагууд, бүх уран бүтээлчид нэгдээд, дуугарах цаг нь аль хэдийнээ
болжээ !!!
Та бүгдийг нэгдээд, дуу хоолойгоо хүргэхийг энэхүү постоороо уриалж байна аа !!!
Наадам, Төрийн концертонд оролгүй ажил хаяцгаая өө !!!
МОНГОЛ УЛСЫН СОЁЛ УРЛАГ МАНДАН БАДРАГ !!!
