Цагаан ордон Их Британийн үлгэр жишээг дагаж, Украин руу "алсын тусгалт" пуужингаа илгээх бодолгүй байна гэж "Politico" бичжээ. Өөрөөр хэлбэл энэ нь 300 км хүртэл тусгалтай тактикийн пуужин юм.
Өмнө нь "Вашингтон Пост" сонинд Лондон Киевт ийм пуужин илгээх талаар хэлэлцэж байгаа ч энэ асуудлаар эцсийн шийдвэр гараагүй байна гэдгийг мэдээлсэн юм.
Их Британийн Гадаад хэргийн сайд Жеймс Клеверли мягмар гарагт АНУ-ын Төрийн нарийн бичгийн дарга Энтони Блинкентэй хийсэн хамтарсан хэвлэлийн бага хурлын үеэр дээрх мэдээлэлд тайлбар өгөхөөс татгалзжээ.
Вашингтоны Украинд шилжүүлэхээс татгалзаж байгаа Америкийн ATACMS пуужингийн системүүд ижил төстэй шинж чанартай байдаг.
АНУ-ын нэгэн албан тушаалтан "ATACMS-ын бодлого өөрчлөгдөөгүй" гэж хэвлэлийнхэнд мэдэгджээ. Түүний хэлснээр, АНУ Украинд агаарын довтолгооноос хамгаалах зэвсэг, сум, хуягт машин нийлүүлсээр байх болно. Гэсэн хэдий ч алсын тусгалтай пуужин нийлүүлэх тал дээр тодорхой шийдвэр гараагүй байгаа юм.
Энэ нь тодорхой учир шалтгаантай ч "Politico"-ийн мэдээлснээр, АНУ-ын зэвсэглэлд хангалттай тоны "ATACMS" байхгүй байна гэсэн болгоомжлол байгаатай холбоотой гэжээ.
Штабуудын дарга нарын нэгдсэн хорооны дарга Марк Милли өнгөрсөн гуравдугаар сард Defense One сэтгүүлд өгсөн ярилцлагадаа "Цэргийн үүднээс авч үзвэл манайд харьцангуй цөөн тооны "ATACMS" байдаг бөгөөд бид өөрсдийн зэвсгийн нөөцөө хадгалах ёстой" гэдгийг сануулжээ.
Эх сурваллж: ВВС
