Мягмар гарагт Европын Холбооны гишүүн орнууд Европын Өдрийг тэмдэглэн өнгөрүүлсэн билээ. Улмаар эл өдөр Европын Парламент ч хуралдсан юм. Тэгвэл хурлын үеэр ХБНГУ-ын канцлер Олаф Шольц Европын Холбоог өөрчлөгдөх хэрэгтэй хэмээжээ.
Түүний хэлснээр, “Европын Холбоо өөрчлөгдөх хэрэгтэй. Бид дэлхий нийттэй нийцэх ёстой. Дэлхий олон туйлт болж байна. Энэ нөхцөлд Европ тив бусад улс оронтой эрх тэгш хамтран ажиллах ёстой.
Европ тив дэлхийн эрх мэдлийн оргил болох ёстой гэж үздэг хуучирсан мөрөөдөлтэй, үндэсний эрхшээл хүсдэг хүмүүс өнгөрсөн цаг үедээ гацсан байна” гэжээ.
Дойче Велле агентлагаас мэдээлснээр түүний ингэж хэлсэн нь саяхан Францын ерөнхийлөгч Эммануэль Макрон Европын Холбоог дэлхийн хүчирхэг гүрэн болоход уриалсантай зөрчилдөж байна гэсэн юм.
Эх сурвалж: DW
