"Ташкент-2022" ДАШТ-ий хүрэл медальт, үндэсний шигшээ баг, "Сүлд" спорт хорооны тамирчин ОУХМ Лхагватогоогийн Энхрийлэн Дохад болж байгаа Жүдогийн дэлхийн аваргын 57 кг-ын жинд хүрэл медалийн эзэн боллоо. Тэрбээр Ташкентэд ялж байсан БНСУ-ын 20 настай жүдоч Хүх Мимитэй медальтай үлдэх үү, эс үлдэх үү гэдгээ шийдэх 10 гаруй минут үргэлжилсэн хүч шавхсан барилдаанд торгуулиар ялж, амжилтаа бататган дахин шагналын тавцанд зогссон.Л.Энхрийлэн Монголын цагаан өмсгөлтнүүдээс ДАШТ-ээс хоёр болон түүнээс дээш медаль хүртсэн зургаа дахь (Түүнээс өмнө нь Х.Цагаанбаатар, Д.Сумъяа, М.Уранцэцэг, Г.Болдбаатар, А.Басхүү энэхүү амжилтыг үзүүлсэн) тамирчин болж байна.
Эх сурвалж: MGLsport.com
