Юнайтед Эйрлайнсын гүйцэтгэх захирал асан Оскар Муноз ням гарагт Фокс Бизнес мэдээллийн сувагт ярилцлага өгчээ.
Ярилцлагын хүрээнд тэр АНУ-ын агаарын хөдөлгөөн зохицуулах тогтолцооны тухай хүүрнэсэн байна. Түүний хэлснээр өдгөө АНУ-ын агаарын тээврийн салбар олон төрлийн асуудалд орж байгаа нь тус улсын агаарын хөдөлгөөн зохицуулалтын дэд бүтэц хэт хуучирсантай холбоотой гэжээ.
Оскар Мунозын ийн хэлэх болсон шалтгаан нь өнгөрөгч онд агаарын тээврийн компаниуд ажилчдын хомстолд орж, агаарын хөлгийн засварын ажлууд их хэмжээний төлөвлөгөөт нислэг цуцлагдаж, саатахад хүргэсэнтэй холбоотой юм.
Түүний тайлбарласнаар, “Миний бодлоор асуудлыг зорчигчийн үүднээс авч үзвэл үнэндээ юу ч ойлгохгүй. Тэд нислэгүүд цуцлагдаж, саатахыг л харж байгаа.
Харин асуудлын үндэс нь дэд бүтэц, нэн ялангуяа агаарын тээвэр, агаарын хөдөлгөөн зохицуулалтын дэд бүтэц юм. Манай агаарын хөдөлгөөн зохицуулалтын тогтолцоо бол дэлхий дахины хамгийн цагаа өнгөрөөсөн тогтолцоо.
Манайхаас дээр агаарын хөдөлгөөн зохицуулах тогтолцоотой дор хаяж 60 улс бий. Тэд бүгд тогтолцоогоо сайжруулсан.
Энд мэдээж аюулгүй ажиллагааны асуудал яригдах хэдий ч аюулгүй байдлаа бүрэн хангах үүднээс бид агаарын хөлгийг хөөргөдөггүй явдал юм. Улмаар нислэг саатаж, бүх төлөвлөгөөт нислэг хойшилдог” гэжээ.
Эх сурвалж: Fox Business
