Жил бүрийн тавдугаар сарын 12-ны өдөр дэлхий нийтээрээ сувилагчдын баярын өдрийг тэмдэглэн өнгөрүүлдэг уламжлалтай билээ. Энэ өдрийг угтаж өнөөдөр ЭМ-ийн сайд С.Чинзориг "Сувилагчаа сонсъё" арга хэмжээг өнөөдөр яаман дээрээ зохион байгууллаа. Уг арга хэмжээнд улсын эмнэлэг болон хувийн эмнэлэг, өрхийн эмнэлгүүдийн сувилагчдын төлөөлөл ирж, тулгамдаж байгаа асуудал болон шийдвэрлэх арга зам юу байгаа талаар санал солилцож, чөлөөтэй нээлттэй ярилцаж байна.
Сувилагчдад тулгамдаж байгаа хамгийн номер нэг асуудал бол цалингийн асуудал байна. Хоёрдугаарт ажлын ачааллаас болж ажлаасаа хамрах хам шинжид өртөж, ажлаа орхиж, гадагшаа буюу БНСУ, Япон, Турк зэрэг улс руу явж ажиллаж байгаа талаар хэлж байна. Хүний хөдөлмөрийг үнэлж чаддаг газраа ажилласан нь дээр гэж залуу сувилагчид хэлж байгаа юм.
Түрээсийн байранд амьдарч байгаа сувилагч олон бий
Монголын сувилагчдын нийгэмлэгийн тэргүүн, дэд профессор зөвлөх Д.Нямсүрэн "Манай сувилагч нар тулгамдаж байгаа асуудал цалингийн асуудал. Ажлын ачаалал их байна. Түүнээс гадна орон сууцны зээл буюу ипотекийн зургаан хувьд хамрагдаж чадахгүй, шалгуур үзүүлэлтийг нь давж чадахгүйгээс болж байр сууцанд орж чадахгүй. Банкны шалгуур үзүүлэлт цалин багатай сувилагч нарт хэцүү байх нь аргагүй. Урьдчилгаа 30 хувиа төлж чадахгүй. Тэгэхээр сувилагч нараа дэмжмээр байна. Зарим нь бүр түрээсийн байраар амьдарч байгаа сувилагч нар ч олон. Мөн өөрийнхөө эрүүл мэндийг анхаарахгүй явсаар эрүүл мэндээ алдах, өвдөх цаг хугацаа өнгөрөх. Эрүүл мэндийн асуудалдаа анхаарч чаддаггүй.
Цалинг нэмэх боломж бий. Үндсэн цалинг нэмж байж эрч хүчтэй ажиллана. Мөн сувилагчийн хомсдол хүний нөөц дутагдалтай байна гэх мэт олон асуудалд төр засгаас анхаарч, анхаарал тавиасай, салбарын сайд нь харж үзээсэй гэж хүсэж байна" гэлээ.
