Ээжийнхээ хамтран амьдрагчид зодуулж, хүнд гэмтэл авсан гурван настай Б.Батзаяа хүү БНТУ-ыг аав, нагац ахтайгаа зорьж, Истанбул хотын эмнэлэгт эмчлүүлж байгаа юм. Хүү энэ сарын 5-ны өдөр тархины гурав дахь хагалгаанд оржээ.
Хүүгийн биеийн байдлын талаар түүний нагац ах Д.Одгэрэл : "Бяцхан хүүгийнхээ мэдээллийг тухай бүрд нь түмэн олондоо мэдээлж байх болно. Учир нь би түмэн олноосоо хандив хүсэхдээ амласан. Яг шийдвэртэй үед нь мэдээллээ өөрийн хаягаар өгч байгаа шүү. Гэхдээ тэр бүр мэдээлэл хийх боломж цаг үнэндээ хомс байна. Түмэн олон минь уучлаарай. Хүү маань дархлаа их муудсан учир энэ их хүчтэй эм тариаг дийлэхгүй тархинд нь үрэвсэл болон бактери үүссээр байгаа.
Нэг л удаа тархины хагалгаанд ороод л дуусах байсан. Гэтэл хагалгаанд ороод хоёр хоноод шинжилгээний хариу гарахад микроп буюу үрэвсэл тархсан байсан. Энэ нь биеийн дархлаа сул байсных. (Монголд амьсгалын аппараттай удаан байсных байж магадгүй. Мөн тээвэрлэлтийн горим зөрчигдсөн) гэж тодорхойлсон эмч нар. Ийм учир 2 дахь хагалгаандаа ороод гуурсаар тархинаасаа шүүлгэсээр ( өдөр бүр томограф цусны шинжилгээ авсаар) 3 дахь хагалгаа буюу тархинд дахь гуурсыг нь дотор талаар шилжүүлж, хүү маань 60 хувьтай л дээрдэж байна. Цаашид яг одоо байгаа байдлаараа үргэлжилбэл хүү маань босчихно гэсэн итгэл найдвар бидэнд өгөөд байна. Бид эмч нарынхаа үг үйл хөдлөлөөр л явна" гэжээ.
Нэмэлт мэдээлэл: Түүнчлэн гурван настай хүүгийн ээжийг яллагдагчаар татахаас татгалзах санал гаргасан гэх мэдээлэл байна
