Францын сонин "Монгол улсын дэд сайдаар ажиллаж байсан гэх нөхөр гэр бүлийн хүчирхийллийн хэргээр шоронд хоригдож байна" гэх гарчигтай мэдээллийг нийтлэжээ.
Тодруулбал, тус мэдээлэлд "Аннеси (Annecy) хотын арванхоёрдугаар сарын 28-ны өдрийн шүүхийн шийдвэрийн дагуу Ганбаатарын Ган-Очирт гэр бүлийн хүчирхийллийн хэргийн 18 сарын ял болон гэм буруугаа үл ухамсарлан шүүхийн шийдвэрийг үл хүндэтгэн давж заалдсан хэмээн нэмж олгосон зургаан сарын ялыг оролцуулан нийт 2 жилийн хорих ял оноосон билээ. Тэгвэл энэ оны дөрөвдүгээр сарын 26-ны лхагва гарагт Шонбери(Chambéry)-ийн танхимын давж заалдах шатны шүүхээр дээрх заалтуудыг хэлэлцэж батлав. Шүүхийн шийдвэрийн дагуу түүнийг цагдан хориод байна.
Улс төрийн орогнол хүсэгч Ганбаатарын Ган-Очир нь гуравдугаар сарын 29-ний давж заалдаж шатны шүүх хурлын үеэр 2016-2019 онд тус улсын Боловсролын дэд сайдаар, 2018-2020 онд Турк дахь Монгол Улсын Элчин сайдын яаманд тус тус ажиллаж байсан хэмээн мэдэгджээ.
2022 оны 8 дугаар сард Монголоос ирсэн Ган-Очирын гэр бүл Haute-Savoie дахь монголчуудын хамт байрлаж байсан бөгөөд үүний дараа Румилли дахь орогнол хүсэгчдийг хүлээн авах төв (Када)-д хандаж байв.
Эхнэрийнхээ эсрэг үйлдсэн хүчирхийллийн гэмт хэрэг өнгөрөгч оны арванхоёрдугаар сарын 23-нд гарсан байна" хэмээн бичжээ.
