ЕХ-ны орнууд Оросын эсрэг авсан хязгаарлалтыг тойрч гарахаас урьдчилан сэргийлэхийн тулд хангалттай хүчин чармайлт гаргахгүй байгаа гуравдагч орнуудад чиглэсэн хориг арга хэмжээний шинэ механизмыг хэлэлцэж байна.
Эх сурвалжийн мэдээлснээр, энэхүү механизмын гол зорилго нь улс орнуудыг Орост туслахаас сэргийлэх, Москвагийн ашиглаж болох худалдааны сувгийг таслах явдал юм.
Үүнээс гадна ЕХ нь одоо байгаа экспортын хяналтын арга хэмжээний цар хүрээг өргөжүүлж, олон нэр төрлийн барааг ОХУ-аар дамжин өнгөрөхийг хориглох бодолтой байна. Цаашид олон арван хувь хүн, хуулийн этгээдийг хоригийн жагсаалтад оруулах төлөвтэй байна.
Блүүмбергийн мэдээлснээр энэ арга хэмжээ нь эхний удаад Хятад руу чиглэгдэхгүй байх, гэхдээ голчлон Төв Азийн орнууд болон Оросын хамгийн ойрын хөршүүдэд нөлөөлнө гэж онцолжээ.
Түүнчлэн ЕХ нь автомашины хязгаарлалт, Украины мөргөлдөөнд ашигладаг дэвшилтэт технологи, үйлдвэрлэлийн бүтээгдэхүүн, төмөр, ган, хориг арга хэмжээ авсан металл ашиглан боловсруулсан бүтээгдэхүүнд тавьсан хязгаарлалтыг өргөжүүлэхийг хүсч байна гэж тус агентлаг мэдэгдэв.
ЕХ ирэх тавдугаар сард болох G-7-ын дээд хэмжээний уулзалтаас өмнө энэ арга хэмжээгээ эцэслэн шийдвэрлэхээр төлөвлөж байна. Европын холбооны гишүүн орнууд уг төслийг ойрын өдрүүдэд хэлэлцэх төлөвтэй байна.
Эх сурвалж: ИТАР ТАСС
