ОХУ Украиныг эзлэн түрэмгийлсэнтэй холбоотойгоор Барууны орнууд тус улсын эсрэг хориг арга хэмжээ авснаас хойш багагүй хугацаа өнгөрөөд байгаа билээ. Тэгвэл эдгээр хориг арга хэмжээ хэрэгжиж эхэлснээс хойш ОХУ-ын тал анх удаа гадаад валютын нөөцөө нөхөх зорилгоор энэ сарын эхээр валютын худалдан авалт хийж эхлэх төлөвтэй байна.
Bloomberg Economics агентлагийн орон нутгийн цагаар 2-ны өдөр мэдээлснээр, ОХУ-ын эрчим хүчний салбарын орлого төлөвлөсөн хэмжээнээсээ давахад тун ойрхон ирээд байгааг дурдаад, ингэснээр энэ 5-р сард гадаад валют худалдан авах боломж бүрдэж байна хэмээн онцолжээ.
ОХУ-ын Сангийн яамны зүгээс энэ долоо хоногийн сүүлээр уг асуудалтай холбогдох мэдэгдлийг хийхээр төлөвлөж байгаа аж.
Гэвч эхний ээлжинд сард 200 орчим сая юань буюу тун бага хэмжээгээр авах боловуу хэмээн мэргэжилтнүүд тооцоолж байгаа юм.
Өрнөдийн хориг арга хэмжээний улмаас ам.долларын хэрэглээ хязгаарлагдмал болсон энэ үед БНХАУ-ын мөнгөн тэмдэгт болох юань нь 154 тэрбум ам.долларын хөрөнгөтэй Оросын төрийн баялгийн сангийн арилжаанд орох боломжтой томоохон мөнгөн тэмдэгт болоод байгаа билээ.
Эх сурвалж: MBC
