Австрали улсад электрон тамхины хэрэглээг хязгаарлах болжээ. Үүний учир нь мэргэжилтнүүдийн үзэж байгаагаар ард иргэдийн электрон тамхины хэрэглээ тахлын хэмжээнд хүрсэнтэй холбоотой гэнэ.
Үйл явдлын хүрээнд Австралийн Эрүүл мэндийн сайд Марк Батлерын хэлснээр, “Электрон тамхи нь ахлах болон бага сургуулийн сурагчдын хүрээнд маш том асуудал болжээ.
Анх электрон тамхийг зөвшөөрөхөд тэд засгийн газруудад энэ бүтээгдэхүүнийг архаг тамхичдад туслах зориулалттай гэж сурталчилж байсан. Үүнийг зугаа цэнгэлийн зориулалтаар, нэн ялангуяа хүүхдүүдийн хэрэглээнд зориулж оруулж ирээгүй. Гэвч энэ нь нэгэнт зугаа цэнгэлийн зориулалттай болжээ.
Тиймээс эмчийн жороос гадуурх бүх төрлийн электрон тамхины импортыг зогсоох боллоо. Харин үлдсэн электрон тамхины савлагааг өөрчилж, эмийн савлагаатай болгоно. Улмаар тухайн бүтээгдэхүүнийг тамхинаас гарахыг хүссэн хүмүүс л авч хэрэглэх юм.
Үлээдэг бохины амттай, ягаан ганц эвэртийн зурагтай электрон тамхинууд бүгд хязгаарлалтад орно. Ингэснээр хүүхдүүд үзэг балын савандаа электрон тамхийг тодруулагч хэмээн нууж авч явах боломжгүй болно” гэжээ.
Эх сурвалж: CNN
