ХҮН-аас өнөөдөр 2023/05/01 Үндсэн хуулийн нэмэлт өөрчлөлттэй холбоотой асуудлаар мэдээлэл хийлээ.
ХҮН-ын дарга Т.Доржханд "Өнгөрсөн 30 жилийн нийгмийн үр дүн, авлига хээл хахууль, уналт доройтол ядуу байгаа амьдралыг өөрчилж чадах эсэх эрмэг дээр ирээд байна. Үүнийг Монгол Улсын эдийн засагчид, Монгол Улсад ирж шинжилгээ хийсэн дэлхийн том эдийн засагчид ч дуу нэгтэй баталж байна.
Тогтолцооны өөрчлөлтийг ярьж байхад эдийн засгийн үр ашигтай улс байж чадах уу, иргэд нь өөртөө итгэлтэй үндэстэн байж чадах уу эсвэл ядуу буурай өрөндөө баригдсан дэлхийн 100 улсын араас орох уу гэдэг сонголт дээр байна.
Тогтолцооны өөрчлөлт, парламентын ардчиллыг бэхжүүлэх, ҮХНӨ-ийн асуудлыг хоёр жил ярьж ирлээ. Парламентад энэ асуудлыг сөхөж тавьсан. Иргэдтэйгээ уулзсан. Улмаар намууд ҮХНӨ-ийг дэмжсэн.
ХҮН хуралдаад ҮХНӨ-ийг хийх нь зүйтэй гэдэгт 100 хувь санал нэгдэж байна. Бусад намуудын удирдлагууд ч дэмжиж байгаа. Монгол Улс түүхэндээ анх удаа намуудын удирдлагууд нь санал нэгтэйгээр ҮХНӨ-ийг хийх гэж байна.
Улс төрийн бүх намууд 2 жилийн хугацаанд хэлэлцэж ҮХНӨ-ийг хийе, тогтолцоогоо өөрчилье гэж санал нэгтэйгээр дэмжсэн, гарын үсгүүдээ зурсан. УИХ-д суудалтай гурван нам шийдвэрүүдээ гаргаж байна. ХҮН намын хувьд хурлуудаа хийгээд албан ёсоор шийдвэрээ танилцуулж байна. ХҮН нам дэмжиж байгаагаа илэрхийлж байна" гэлээ.
