Европын холбоо Украины яаралтай сэргээн босголтын хэрэгцээнд зориулж нэмэлт нэг тэрбум евро хуваарилна. Энэ тухай баасан гарагт Европын холбооны орнуудын Эдийн засаг, сангийн сайд нарын албан бус уулзалтын дараа Европын комиссын дэд тэргүүн Валдис Домбровскис сэтгүүлчдэд мэдэгдэв.
"Украины хувьд 14 тэрбум еврогийн санхүүжилт хэрэгтэй байгаа яаралтай тусламжийн хэрэгцээнд зориулж нэмэлт 1 тэрбум евро босгоно" гэж тэр хэлэв.
Мөн одоогийн байдлаар Украин улсынхаа эдийн засгийг сэргээхэд нийт 411 тэрбум евро шаардлагатай байгааг онцоллоо.
Эх сурвалж: ИТАР ТАСС
