Умард Солонгосын тал ОХУ-ын батлан хамгаалахын хувийн компани болох Вагнер группт 10.000 орчим их бууны сум нийлүүлэхээр болсон тухай Японы Tokyo Shimbun сонин өнөөдөр мэдээллээ.
Умард Солонгос ирэх сарын эхээр ОХУ руу төмөр замаар эдгээр сумыг тээвэрлэхээр төлөвлөж байна гэж Tokyo Shimbun сонин Умардын дотоод нөхцөл байдлыг сайн мэддэг эх сурвалжаас иш татан мэдээлсэн байна.
Оросын засгийн газрын хүсэлтийн дагуу уг хэлэлцээр явагдсаныг эх сурвалж мөн дурджээ.
Тус мэдээнд дурдсанаар сум ачсан галт тэрэг энэ сарын сүүлээр Умард Солонгосын хилийн Расон хотын Түмэнган өртөөнөөс хөдөлж, ирэх сарын эхээр ОХУ-ын Приморийн хязгаарын Хассан өртөөгөөр дамжин Владивосток хотод хүргэгдэх аж.
Украинд үргэлжилж буй дайны улмаас сумны хомсдол ноцтой асуудал болоод байгаа ОХУ-ын зүгээс Умард Солонгосоос сум худалдаж авах тал дээр хүчин чармайлт гаргаж буй бололтой.
Эх сурвалж: MBC
