Энэ оны эхэнд Оросын хоёр комедиан АНУ-ын ХНС-ийн тэргүүн Жероми Пауэлл руу Украины ерөнхийлөгчийн дүр эсгэн залгажээ. Энэ талаар олон улсын хэвлэлүүд пүрэв гарагт мэдээлсэн байна.
Хоёр комедианы хувьд Владимир Кузнецов, Алексей Столяров гэх хоёр бөгөөд тэдний дүрсгүйтэж буй бичлэг Оросын нэгэн сувгаар цацагджээ. Улмаар бичлэг дээр Жероми Пауэлл Украины ерөнхийлөгч Володимир Зеленськийтэй холбогдлоо хэмээн хууртаж, түүнээс хэд хэдэн зүйл асууж байгаа үзэгдэх юм.
Үйл явдлын хүрээнд пүрэв гарагт ХНС-ийн хэвлэлийн төлөөлөгчийн хэлснээр, “Нэгдүгээр сард өөрийгөө Украины ерөнхийлөгч байна гэж худал танилцуулсан нэгэн этгээд Жероми Пауэллтэй холбогдсон. Дуудлагын хувьд нөхөрсөг яриа өрнөсөн бөгөөд энэ хүнд цагт бид Украины ард түмний талд зогсож буй талаараа хүүрнэсэн. Ямар нэг нууцын зэрэглэлтэй мэдээллийг дуудлагын хүрээнд яриагүй. Улмаар болсон үйл явдлыг холбогдох албаныханд мэдэгдсэн. Бидэнд цааш хэлэх зүйл үгүй” гэсэн байна.
Гэсэн хэдий ч Владимир Путины хамсаатан болох Кремлийг дэмжигч хоёр комедиан ХНС-ийн өндөр албан тушаалтантай холбогдон дүрсгүйтсэн нь олон нийтийг төв банкны дотоод аюулгүй ажиллагааны журамд эргэлзэхэд хүргэсэн юм.
Эх сурвалж: CNBC
