Мягмар гарагт Английн Төв банкны ахлах эдийн засагч Хув Филл ард иргэдийг өмнө байснаасаа илүү ядуу болсноо хүлээн зөвшөөр хэмээжээ. Улмаар түүний энэ мэдэгдэл тус улс дахь жижиг бизнесүүд, үйлдвэрчний эвлэлүүдийн эгдүүцлийг хүргэсэн байна.
Хув Филлийн хэлснээр инфляцыг хөөрөгдүүлж байгаа гол хүчин зүйл нь хөдөлмөр эрхлэгчид цалин нэмэхийг шаардаж, бизнесийн байгууллагууд бараа бүтээгдэхүүнийхээ үнийг өсгөж байгаа явдал гэсэн бөгөөд түүний тайлбарласнаар айл өрхүүд инфляцын өсөлтийг хүлээн зөвшөөрөхгүй байгаа нь нөхцөл байдлыг бүр дордуулж байна гэжээ.
Тэгвэл түүний энэ мэдэгдлийг дуулсан Жижиг Бизнес эрхлэгчдийн Холбооноос Хув Филлийг ертөнцөөс тасарсан байна хэмээн тодорхойлсон юм.
Тус холбооны гишүүн Тина МакКензигийн хэлснээр эрчим хүч, бараа материалын үнэ их хэмжээгээр өссөнөөр жижиг бизнесүүдийн хувьд бараа бүтээгдэхүүнийхээ үнийг өсгөхөөс өөр аргагүйд хүрсэн гэжээ.
Харин Их Британийн хөдөлмөр эрхлэгчдийг дэмжих GMB үйлдвэрчний эвлэлийн ахлах зохион байгуулагч Аманда Гийрингийн хэлснээр үнийн хөөргөдөл ийм өндөр байхад манай улсын хамгийн бага цалинтай ажилчдаас цалингаа нэмүүлэхгүй байхыг гуйж байгаа нь үнэхээрийн том доромжлол байлаа гэсэн юм.
Эх сурвалж: BBC
