ЗГХЭГ-ын дэд дарга, Хяналт хэрэгжүүлэх газрын дарга Б.Баасандорж “Шүүр” ажиллагааны явцын талаар мэдээлэл өглөө.
Б.Баасандорж “ Шүүр ажиллагааны хүрээнд илэрсэн зөрчилд сахилгын арга хэмжээ авсан нь төрийн захиргааны болон үйлчилгээний албан хаагч дээр 15, Төрийн өмчит компаниуд дээр 12 байгаа бол ажлаа чөлөөлөх мэдэгдэл хүргүүлсэн нь ТЗ болон ТҮ дээр 976, Төрийн өмчит болон орон нутгийн өмчит компани дээр 150, төрийн тусгай дээр 51 байна гэсэн мэдээллийг томилох эрх бүхий албан тушаалтнуудаас ирүүлсэн юм. Нийт илэрсэн 6187 зөрчлийг салбараар нь ангилж үзүүлбэл, орон нутагт дийлэнх олонх буюу 2900 гаруй боловсролын байгууллагад 1600 орчим, санхүүгийн салбарт 779, эрчим хүч 656, уул уурхай дээр 114 гэх мэтээр байна. Салбарын удирдах албан тушаалтнуудын зөрчил шийдвэрлэсэн байдлыг үзэхэд эрчим хүч дээр 46 албан тушаалтныг чөлөөлж, 77 хүнд мэдэгдэл хүргүүлжээ. Нийгмийн хамгааллын салбарт 52 хүн чөлөөлсөн.
Төрийн албаны тухай хууль батлагдсанаас хойш жилийн дараа ковидын хууль гарч, өнгөрсөн хугацаанд энэ хуулийн 3.2-аар албан тушаалтнуудыг томилсон байдаг. “Шүүр” ажиллагааны хүрээнд яамдаас нь буюу дээрээс нь хяналт шалгалтыг ирэх долоо хоногоос хийнэ. Хэрвээ үүнийг далимдуулж, жирийн албан хаагчдыг халах, солих ажил хийгдсэн бол 11-11 төвд мэдээллээ ирүүлж, шийдвэрлүүлэх боломжтой.
Бидэнд 700 орчим иргэн мэдээлэл ирүүлсэн байна. Яамд, агентлаг дээр ирэх долоо хоногоос хяналт, шалгалтыг явуулж, дарга нар төрийн албан хаагчдыг хохироосон, хуулийг буруу хэрэглэсэн, өөрийн хамаарал бүхий этгээдээ томилсон, авлига албан тушаалын гэмт хэрэгт холбогдчихоод байхад нуун дарагдуулсан зэрэг мэдээллийг шалгах юм” гэлээ.
