Хөгжлийн банкны гэх тодотголтой шүүх хурал есдэхь өдрөө үргэлжилж байна. Тус хуралд шүүгдэгч болон гэрчээр оролцож байгаа хүмүүс мэдүүлэг өгч байгаа. Тухайлбал, хүн амины хэргээр ял эдэлж байгаа Б.Махбал шүүх хуралд оролцож байна. Тэрбээр өчигдөр шүүх хурлын үеэр ямар нэгэн мэдүүлэг өгөхөөс татгалзжээ. Дараа дараагийн хуралд шаардлагатай бол тайлбараа өгнө гэжээ.
Ялтан Б.Махбал нь Монгол Улсын Хөгжлийн банкны ТУЗ-ийн гишүүнээр ажиллаж байхдаа нэр бүхий компанид зээл олгоход оролцсон гэх үндэслэлээр яллагдагчаар татсан байдаг. Түүнийг хорих ангиас шүүх рүү хуяглан авч явж байгаа бөгөөд шүүх хуралд цагдаагийн хуягласан хамгаалалт дор оролцож байгаа ажээ.
