Мөргөлдөөний улмаас 400 гаруй хүн амь үрэгдээд байна
Суданд болж буй мөргөлдөөний улмаас 413 гаруй хүн амь үрэгдээд байна гэж Дэлхийн эрүүл мэндийн байгууллагаас иш татан Аль Жазира мэдээлжээ. Түүнчлэн 3551 хүн шархаджээ.
Амиа алдагсдын дунд наад зах нь есөн хүүхэд байгаа бөгөөд 50 гаруй хүүхэд шархадсан байна.
Дөрөвдүгээр сарын 15-наас хойш Суданд тус улсын Ерөнхийлөгчийн тэргүүлдэг байнгын арми болон дэд ерөнхийлөгчийн мэдэлд байдаг Шуурхай дэмжих бүлгийн дайчдын хооронд тулаан үргэлжилж байна.
Судан 72 цагийн хүмүүнлэгийн эвлэрлийг зөвшөөрөв
Суданы Шуурхай дэмжих хүчин баасан гарагийн өглөөний 6:00 цагаас эхлэн 72 цагийн турш хүмүүнлэгийн эвлэрэл байгуулахаар тохиролцсон гэж Ройтерс агентлаг мэдээллээ.
Энэ эвлэрэл нь лалын шашинтнуудын Ид аль-Фитр баяр тохиож байгаатай холбогдуулан иргэдийг нүүлгэн шилжүүлэхэд хүмүүнлэгийн коридорууд нээх зорилготой гэжээ.
Тодотгохд энэ мөргөлдөөн дөрөвдүгээр сарын 15-наас хойш үргэлжилж байгаа юм. Хамгийн ширүүн тулаан нийслэл Хартум болон түүний эргэн тойронд болж байна.
